Një politikane kolumbiane, e cila vuante dënimin me akuzën e blerjes së votave, është arratisur në mënyrë spektakolare nga një burg në Kolumbi.
43-vjeçarja Aida Merlano arriti të largohej me një litar, duke zbritur nga dritarja, ndërsa ishte dërguar te stomatologu për kontroll dhëmbësh.
Ajo ishte larguar më tej me një motorçikletë, e cila e priste poshtë godinës.
Kjo ka bërë që policia të dyshojë për një plan të mirëorganizuar.
Për kapjen e saj ose dhënien e informacioneve mbi vendndodhjen e të arratisurës është vënë në dispozicion një shpërblim prej 50 milionë pesos.
