Zyrtarë të Demokracisë në Veprim kanë denoncuar disa parregullsi afër disa qendrave të votimit në Prishtinë, Gjilan e Prizren, në orët e para të votimeve që po mbahen në Kosovë.
Sipas DnV-së, vonesa ka pasur në 2.6 për qind të vendvotimeve. Kjo për shkak të vonesave të komisionarëve.
“Votimi ka filluar në gjithë territorin. Ka pasur vonesa në 2.6% të vendvotimeve. Vonesat kanë qenë për shkak te vonesave të komisionarëve, shpërndarjen e materialit.
Në Shtërpcë e Gracanicë ka mungesë të vulave. Qytetarët mund të votojnë momentalisht në qendrën Ukshin Hoti për shkak të mungesës së komisionarit. Materiali propagandues, në 7% të qendrave ka material të tillë nuk i kanë larguar nga qendrat e votimeve. Komunat ku me së shumti ka pasur këso materiale: Gjilan, Prizren, Prishtinë”, ka deklaruar nga DnV.
Në këto zgjedhje, të drejtë vote kanë mbi 1 milion e 900 mijë qytetarë.
