Përballja Laçi-Bylisi e vlefshme për javën e shtatë të Kategoris Superiore është mbyllur në barazim pa gola 0-0.
Kurbinasit dominuan takimin por Isli Hidi në një superformë nuk lejoi që të prekej porta e tij. Bylisi luajti 10 minuta me karton të kuq, pas daljes nga lojta të mbrojtësit Bicaj, ndërsa Laçit iu dëmtua kapiteni Gjoni. Shtatlarti u transportua me ambulancë në stadium 15 minuta para fundit të ndeshjes.
Rezultati i shkon në favor të ballshiotëve të cilët ngjiten të vetëm në krye të tabelës së klasifikimit përkohësisht dhe mund të presë qetësisht ndeshjen mes Kukësit dhe Vllaznisë që luhet pak më vonë.
Ndërkohë për skuadrën e Sulejman Starovës rezultati tregon se e ka harruar shijen e fitores, pasi ka 3 ndeshje radhazi në barazim.
Skuadrat do të jenë disa ditë pushim për shkak të ndeshjeve të Kombëtares.
Laçi – Bylis 0-0
KV: Fangaj / Bicaj, Janku, Hidi, Murataj, Ujka
KK: Bicaj
Formacionet:
Laçi: Stazhilla, Fangaj, Ignjatoviç, Gjoni, Domgjoni, Shehu, Deliu, Lushkja, Teko, Xhixha, Nuabueze.
Trajner: Sulejman Starova
Bylisi: Hidi, Ymeraliaj, Goxha, Bicaj, Peposhi, Janku, Mëllugja, Murataj, Ntephe, Qardaku (55’Mbiobe), Guindo.
Trajner: Veljko Dovedan
Gjyqtarë: Juxhin Xhaja, Dojando Myftari, Denis Agaraj, Erion Bastari
