Një aksident i tmerrshëm ka ndodhur në mëngjesin e 5 tetorit rreth orës 04.30 të mëngjesit kur një veturë, tip Mercedes 320 CDI, doli nga rruga dhe goditi një pemë.
Mediat italiane shkruajnë se në rrugë nuk ka asnjë shenjë frenimi të dukshme, ndërsa si pasojë e aksidentit ka humbur jetën 22-vjeçari me origjinë shqiptare, Andi Grori, banor në Castelfranco Emilia.
Viktima ishte shoferi i mjetit, dhe bashkë me të, ishin edhe dy të rinj të tjerë që janë plagosur.
Mediat shkruajnë se njëri prej të plagosurve, një i ri nga Castelfranco, 21 vjeç, ndodhet në gjendje të rëndë në spital.
Ndërsa i plagosuri tjetër është 20-vjeçari nga Rumania i cili po banonte edhe në Castelfranco.
Sipas policisë, 22-vjeçari ka humbur kontrollin e makinës, mbase për shkak të shpërqendrimit ose gjendjes së gjumit, duke goditur pemën.
