Një situatë e tmerrshme ka qenë për një familje në Durrës, ku motra ka tentuar të shpëtojë nga duart e të vëllait babanë e verbër, të cilin e kishte mbyllur në shtëpi dhe e kërcënoi me vrasje.
Vajza ka telefonuar policinë, që ka ndaluar autorin.
“Në Sallën Operative të DVP Durrës, ka ardhur një telefonatë nga një shtetase se vëllai i saj në Rrashbull kishte mbyllur në banesë dhe po kërcënonte me thikë të atin. Shërbimet e Policisë kanë shkuar menjëherë në adresën e dhënë ku kanë konstatuar se shtetasi S.Z. (pretendohet me probleme të shëndetit mendor) kishte mbyllur në një prej dhomave të banesës të atin e tij (të verbër) duke e kërcënuar me levë hekuri e thikë për ta vrarë. Policia ka negociuar më shtetasin S.Z që të lironte të atin, por ai nuk i është bindur Policisë dhe ka qëlluar me levë të atin. Policia ka ndërhyrë duke neutralizuar autorin i cili ka tentuar të qëllojë përsëri të atin me thikë për ta vrarë. Nga ana e uniformave blu të dëmtuarit, shtetasit S.Z., 66 vjeç, iu dha ndihma e parë duke e dërguar në ambientet e Spitalit Rajonal Durrës për kontroll më të specializuar i cili ndodhet jashtë rrezikut për jetën. Autori, shtetasi S.Z., 35 vjeç është person me precedentë penal të mëparshëm i dënuar për ‘Dhunë në familje'”, njoftoi policia.
