Ish-deputetja e LSI-së, Kejdi Mehmetaj ka dhënë një intervistë për emisionin ‘Pop culture’, ku ka folur edhe për shumë të fshehta jashtë politikës.
Në një moment, ajo është pyetur nga moderatorja Dojna Mema për marrëdhënien me kryetaren e partisë Monika Kryemadhi dhe Ilir Metën.
Mehmetaj është përgjigjur se nuk i njihte më herët, ka qenë Erisa Xhixho ajo që e ka bërë pjesë të LRI dhe të rinjtë atje e prezantuan me çiftin Meta.
Moderatorja: Thonë që Kejdin e mbajnë në politikë se e ka qejf Mona dhe Iliri.
Mehmetaj: Kur kam ardhur në fillim në LRI kam takuar Erisa Xhixhon si ‘PetroNinëse’. Koha kur kam takuar Monikën dhe Ilirin kanë qenë zgjedhjet e 2009. Atëherë ata e kishin mendjen tek fushata jo shumë tek unë. Unë nuk e dija tamam çfarë ishte politika në atë periudhë, isha akoma e re. Më vonë kanë qenë të rinjt e LRI që më bën marketing tek ata.
