Qyteti i Vlorës, prej 3 ditësh është pa traget duke shkaktuar një problematikë që nuk dihet dhe për sa ditë do të vazhdojë.
Kjo për shkak të largimit të tragetit San Damian për të kryer inspektimet dhe sistemimet e përvitshme.
Kompania e tragetit e kontaktuar është shprehur se kanë kërkuar te vendosin tragetin tjetër në linjë “Red Star”, i cili operon prej vitesh në të njëjtën linjë ,por kjo gjë nuk është pranuar nga ana e kapitenerisë edhe pse në çdo inspektim si në Itali, Greqi apo Shqipëri ka rezultuar brenda parametrave.
Ndërkohë, në portin e Vlorës puna është paralizuar totalisht duke krijuar probleme si te udhëtaret, bizneset ku shumë prej tyre janë në pritje nga të dyja anët e brigjeve.
Bllokimi ka bërë që edhe terminali i pasagjerëve i përuruar vetëm pak ditë më parë të dalë jashtë funksionit këto ditë, përfshirë dhe institucionin e doganës.
