Kriza e migrantëve duket se ka sjellë debate mes Turqisë dhe Greqisë dhe duke bërë këtë të fundit të hedhë akuza mbi Turqinë.
Mesa duket Greqia po ballafaqohet me një numër të madh turistësh që vijnë nga territori Turqisë. Kampet e migrantëve, kryesisht sirianë dhe afganë, janë mbipopulluar duke e shtyrë qeverinë greke të shpallë politika më të ashpra për të frenuar numrin e tyre. Kryeministri grek Kyriakos Mitsotakis tha se Turqia ka aftësinë të kontrollojë numrin e migrantëve ne Egje.
Nuk duhet të krijojë përshtypjen se po e shfrytëzon këtë çështje për agjendat e vet gjeopolitike, shtoi Mitsotakis.
Numri i migrantëve në Greqi u zvogëlua pasi Bashkimi Evropian dhe Turqia ranë dakord në vitin 2016 për të mbyllur rrugën e Egjeut. Mirëpo, gjatë muajve gusht dhe shtator të këtij viti, sërish kishte rritje të numrit të migrantëve. Turqia, e cila mban 3.6 milion refugjatë sirianë, ka kërcënuar se do të “hapë portat” nëse Ankaraja nuk merr mbështetje të përshtatshme ndërkombëtare për një plan për të zhvendosur 1 milion refugjatë në veri të Sirisë.