Ka nisur me zhvillime mbledhja e Këshillit të Lartë të Prokurorisë, ku do të bëhet përzgjedhja e anëtarit të 11-të të këtij Këshilli. Për shkak të vonesës është përjashtuar nga votimi, drejtuesja e Prokurorisë për Krimet e Rënda, Donika Prela. Prela mbërriti në votim kur kutia ishte mbyllur, duke e lenë jashtë procedurës. Në një prononcim për mediat, ajo tha se kishte një angazhim tjetër që i ka pamundësuar të mbërrinte në kohë.
“Kisha një angazhim tjetër prandaj nuk mund atë vija në kohë”, -ka thënë Prela.
Në mbledhjen e sotme që po zhvillon KLP, anëtarët kanë të drejtë të zgjedhin mes Esmeralda Keshit dhe Vladimir Marës. Njëri prej të dyve do të jetë nga sot, anëtari i 11-të i Këshillit të Lartë të Prokurorisë.
