Një shqiptar ka humbur jetën në një aksident të ndodhur orët e para të kësaj të premteje në Itali. Siç raportojnë mediat taliane, viktima është Redian Abllanica, me banim në Rossano Veneto (Vicenza).
Ai ishte duke lëvizur me një skuter, kur rreth 50 minuta pas mesnate, në një kryqëzim rrugësh në komunën Loria, ka humbur kontrollin e skuterit dhe ka përfunduar jashtë rruge.
Raportohet se 35-vjeçari ka marrë lëndime të shumta, duke gjetur vdekjen në vend. Dyshimet e para janë se është futur në kthesë me një shpejtësi të lartë.
