Lulzim Basha, kryetar i PD-së, sqaroi mbrëmjen e sotme, nëse ka përfituar ose jo bursë nga Fondacioni i George Soros “Për Shoqëri të Hapur” gjatë studimeve në Holandë.
I pyetur nga gazetari Çim Peka në studion e Syri.net, nëse ndjehet në borxh me George Soros që i ka financuar studimet, Basha e mohoi një gjë të tillëm duke treguar edhe të vërtetën mbi spekulimet që qarkullojnë prej kohësh në vend.
“Mënyra më e keqe për të mbyllur një intervistë të bukur. Nuk është e vërtetë.
Nuk kam aplikuar dhe nuk kam marrë asnjëherë financime nga Shoqëria e Hapur.
Universiteti ku kam studiuar ka marrë financime për studentë nga Shqipëria dhe Polonia. E vërteta është e thjeshtë dhe e shkoqur”, tha Basha.
