Shtetasi A.B. banues në Fushë-Krujë është vetëdorëzuar pasi Gjykata e Shkallës së Parë Shkodër ka dhënë masën e sigurisë “Arrest në burg”.
28-vjeçari ishte shpallur në kërkim, në kuadër të operacionit “Ndalesa e Fundit”
Ky shtetas, më datë 15.11.2017, gjatë operacionit “Ndalesa e fundit”, në bashkëpunim me shtetasit K. X., F. H., të cilët janë arrestuar gjatë operacionit, si dhe me E. X. e D. H., të cilët janë shpallur në kërkim, në afërsi të një karburanti në fshatin Grizhë, Malësi e Madhe, iu gjetën dhe sekuestruan në cilesinë e provës materiale rreth 70 kg Cannabis Sativa, njofton policia.
Shtetasi A. B. së bashku me shtetasit E. X. dhe D. H. sapo kanë parë policinë kanë arritur të largohen.
Materialet iu referuan Prokurorisë së Rrethit Gjyqësor Shkodër, për veprën penale “Prodhimi dhe shitja e narkotikëve, e kryer në bashkëpunim”.
