Kuvendi i Republikës së Shqipërisë ka zgjatur afatin e Komisionit Hetimor, i cili ka për detyrë dhe synon, hetimin e veprimtarisë së Presidentit të Republikës, Ilir Meta për qëndrimet e tij mbi shtyrjen e datës së zgjedhjeve të 30 qershorit. Shtyrja e afatit mori 103 vota pro, ndërsa ky komision ka shtyrë veprimtarinë e tij edhe për dy muaj të tjerë.
Ndërkohë që disa ditë më parë vetëm Komisioni i Venecias ka dorëzuar draft-raportin ku theksohej se presidenti Meta ka tejkaluar kompetencat por në asnjë moment nuk ka kryer shkelje që të justifikojë shkarkimin e tij. Nga ana tjetër, vetë Ilir Meta ka deklaruar se do të japë përgjigjen lidhur me vendimin ditën e nesërme.
