I ftuar në studion e Ora News, ish-kryeministri Sali Berisha, ka komentuar deklarata e Ramës, i cili i parapriu një përgjigje negative për hapjen e negociatave, duke thënë se Europa ka probleme të brendshme.
Sipas Berishës, ky është një tjetër mashtrim i Ramës për shqiptarët, pasi ai kërkon të mbulojë dështimin e rilindjes, pasi vendi ka bërë hapa pas.
‘Një vit më parë gazeta austriake ‘Currir’ u hap me një titull: Nuk ka dritë jeshile për Ramën e kuq’, edhe këtë vit mbete në fuqi titulli: Nuk ka dritë jeshile për Edvin mafinë’. Është një fatkeqësi e madhe, pasi gjëja më e madhe për Shqipërinë dhe shqiptarët do të ishte anëtarësimi në BE. Ne kemi 4-vite nga 2016-ta, nëse shqiptarët kujtojnë kartolinën e Berlinit, tjetër thoshte Merkel dhe tjetër mashtronte ky shqiptarët. Ne në disa shtylla kryesore kemi bërë regres. Nga 5 kushte që ishin, kaluam në 7, pastaj në 9-të defacto 10. Po ta marrim nga kushte, horizonti i negociatave largohet gjithmonë e më shumë. Sot Rama u përpoq të sulmojë armiqtë e brendshëm dhe deri tek Europa, duke thënë se ajo nuk mban fjalët dhe ka probleme të brendshme. Është e vërtetë që Evropa ka probleme të brendshme, por vjet në Luksemburg Europa tha që Shqipërisë t’i hapen negociata nëse plotëson kushtet. Ne nuk kemi plotësuar asnjë kusht’, deklaroi Berisha.
