Policia braziliane sekuestroi dy ditë më parë një sasi prej 617 kg kokainë, që sipas mediave vendase kishte si destinacion Belgjikën.
Lajmi bëri jehonë për faksin se në ambalazhin e përdorur ishte logo “FK Elbasani” që përkon me klubin e futbollit të qytetit të Elbasanit.
Nuk dihet sepse trafikantët kanë zgjedhur një logo të tillë, por së fundmi janë identifikuar emrat e 4 të arrestuarve.
Sipas mediave, ata janë P. O. O. C. 24 vjeç; M. A. P. 49 vjeç; N. P. 52 vjeç dhe J. C. G. A. 40 vjeç.
Referuar inicialeve, duket se vetëm 52 vjeçari ka një emër të shkurtër, çka mund të dyshohet se ai është shqiptar ose një shtetas europian, kjo për faktin se brazilianët kanë emra të gjatë.
Mediet e huaja raportojnë se katër personat e arrestuar e kishin kthyer pronën në një rafineri të ambalazhimit të kokainës.
Kokaina e sekuestruar me vlerë tregu arritnet në rreth 60 milion euro. Gjithashtu autoritetet braziliane sekuestruan edhe disa tableta të substancës hidroklorur kokainë dhe dy tableta të një lënde të pastër të kokainës.
Policia në këtë operacion sekuestroi edhe një kamion mallrash tip “Mercedes 1620”, me targa CVN3518, një “Fiat” të bardhë, me targa NDH7227, dhe një “Fiat” me ngjyrë argjendi, me targa NJU9234.
