Përditësuar/ Identifikohet viktima e aksidentit të ndodhur rreth mesditës në aksin Korçë-Pogradec. Ai është shtetasi A.L, 66 vjeç, banues në Greqi, konfirmuan burime zyrtare nga policia.
***
(13:15) Aksident fatal, një person humb jetën
Një aksident me një jetë të humbur u shënua këtë të enjte në aksion Pogradec- Korçë.
Sipas një rindërtimi paraprak të ngjarjes nga policia, një kamion është përplasur me një makinë tip “Benz” me targa greke. Për pasojë, ka humbur jetën drejtuesi i makinës.
“Në orën 12.30, në aksin rrugor Korçë-Pogradec, pranë fshatit Petrushë, janë përplasur mjeti tip ‘Benz’ (me targa greke), me një mjet tip kamion, me drejtues shtetasin F.M, 47 vjeç, banues në fshatin Bulgarec, Korçë. Për pasojë ka gjetur vdekjen drejtuesi i mjetit, tip ‘Benz’ (ende i paidentifikuar). Grupi hetimor në vendin e ngjarjes, po punon për të zbardhur rrethanat e ngjarjes dhe përcaktuar shkaqet e aksidentit”, njoftoi policia.
Mëngjesin e sotëm, një grua e moshua humbi jetën dhe dy të tjera u plagosën nga përplasja mes një trajleri dhe një autobusi në aksin rrugor Librazhd-Qafë Thanë.
