Guvernatori i Bankës së Shqipërisë, Gent Sejko ka folur lidhur me letrën që kryedmokrati Lulzim Basha i ka dërguar bankave që operojnë në vend dhe vete Guvernatorit, për të shprehur shqetësimin e opozitës lidhur me përpjekjet e shumë aktorëve për të pastruar shuma të mëdha parash nëpërmjet aktiviteteve të licensuara apo të kontrolluara nga sektori publik.
I pyetur nga gazetarër lidhur me këtë çështje, Sejko tha: “E kemi theksuar se ne si Bankë e Shqipërisë kemi bërë të gjitha kontrollet ndaj bankave të nivelit të dytë. Ne kemi vendosur rregullore për bankat e nivelit të dytë, si dhe ka rregullore edhe për të gjitha partneritetet mes shtetit dhe PPP. Lidhur me pastrimin e parasë, Banka e Shqipërisë ka rregulloren e saj. Edhe bankat vetë kanë ligje strikte për të parandaluar krime të tilla. BSH ka rolin e mbikëqyrjes. Ne si BSH do të mbikëqyrin vazhdimisht proceset, sikundër edhe institucionet që kanë këtë rol”.
