Një ngjarje e rëndë ka ndodhur sot pasdite në Zall Xhuxhë të Mirditës, ku një person është vrarë me armë zjarri. Viktima është Eri Zefi, 34-vjeç.
“Në fshatin Zall Xhuxhë në Fan – Mirditë, në rrethana ende të paqarta është vrarë me armë zjarri shtetasi E.Z. 34 vjeç, banues në Kurbin. Grupi hetimor në vendngjarje vazhdon hetimet për zbardhjen e plotë të rrethanave të ngjarjes. Nga forcat policore të Komisariatit të Policisë Mirditë në mbështetje edhe nga forcat policore të Drejtorisë, po bëhet krehja e zonës me qëllim kapjen e autorit”, njoftoi policia.
Burime policore bëjnë me dije se policia është informuar lidhur me ngjarjen rreth orës 16 të pasdites, nga banorë të zonës, se kanë gjetur një trup të pajetë me shenja plumbash në një kanal. Bëhet fjalë për një zonë të thellë malore që ka një distancë prej disa kilometrash nga Rrësheni.
Nga verifikimet e deritanishme, 34-vjeçari nuk rezulton persona me precedentë penalë. Hetuesit janë duke hulumtuar për konflikte të mundshme të mëparshme që mund të ketë pasur viktima. /Boldnews.al/
Ekzekutimi në Mirditë/ Dyshimet për gjakmarrje, si vëllai i viktimës kreu vrasjen në Durrës
