Kryeministri Edi Rama prezantoi ditën e sotme programin e asistencës antiburokratike për çdo sipërmarrës vendas e të huaj, në platformën e Bashkëqeverisjes. Në fjalën e tij përballë koordinatorëve, Rama u shpreh se ata duhet ta marrin vetë autoritetin dhe përgjegjësinë dhe të zgjidhë çdo problem të drejtuar nga sipërmarrësit.
Më tej kryeministri u shpreh se çdo koordinator që është pjesë e ministrit për biznesin duhet të marrë menjëherë autoritetin dhe përgjegjësinë për të qenë në krye të detyrës 24 orë në 24. Ai shtoi më tej se kjo është një punë e veçantë që kërkon pasion dhe përkushtim ndaj njerëzve.
“Sipas jush unë nuk duhet t’i përgjigjem askujt që më shkruan mesazhe. Por ne nuk jemi Amerika, as Kina dhe as India. Ne jemi një shtëpi e vogël dhe me njerëz që kanë nevojë për solidaritet.
Si mundem unë të mos u përgjigjem dhe t’i trajtoj njerëzit ashtu siç duhet? Dikush që nuk do ta bëjë punën si duhet nuk do të mbetet aty ku është, ta kenë të qartë. Komunikimi me njerëzit do të jenë lutjet e tyre që t’i ndihmoni t’i mbështesni, unë i kam dhe me libër shtëpie të shoqëruar hera herës.
Nuk ka gjë më fisnike dhe privilegj më të madh sesa të jesh në pozicionin që të ndihmosh të tjerët,”– tha Rama ndër të tjera.
