Ish-aktorja e Portokallisë, Delinda Disha, këtë sezon të ri do e shohim te televizioni Klan, e cila po bëhet gati për show-n e “Klanifornia” që nis këtë të shtunë.
Por mbrëmjen e djeshme, aktorja na ka zbuluar se nuk shkoi vetëm në këtë televizion.
Përmes një postimi në Instagram, na tregoi se bashkëshorti i saj do të jetë kostumografi i “Klanifornia” çka na bën të kuptojmë se ata do të punojnë së bashku, në të njëjtin projekt dhe ambient këtë herë.
Delinda është shumë e lidhur me bashkëshortin e saj për të cilin shprehet gjithnjë shumë ëmbël në intervista të ndryshme duke e quajtur personin më suportues për karrierën e saj. Delinda dhe Eldo janë gjithashtu prindër të një djali.
