Champions League ka hapur siparin për mbrëmjen e sotme me dy përballjet Real Madrid-Club Brugge dhe Atalanta-Shaktar Donetsk.
Pas humbjes ndaj PSG-së, madrilenët nuk kanë mundur që të marrin trepikëshin as në shtëpi përballë belgëve të Club Brugge.
Përballja e mbrëmjes së sotme ka përfunduar në barazim 2-2. Kanë qenë miqtë që kanë kaluar të parët në avantazh të dyfishtë gjatë fraksionit të parë të lojës, ndërsa në të dytën ka ardhur golat e Ramos dhe Kasemiro që i dhanë një pikë Realit.
VIDEO
Ndërkohë në ndeshjen tjetër, Shakhtar Donetsk ka marrë një fitore mjaft të rëndësishme në transfertë përballë Atalantës. Kanë qenë italianët që kanë shënuar të parët ma anë të Duvan Zapatas në minutën e 28, ndërkohë Iliçiç humbi penallti në të ’16-tën. Moraes do të barazonte rezultatin në minutën e ’41, ndërkohë që përmbysja do të vinte në fund të takimit me Solomon në të ’95-tën minutë.
