Sot, janë luajtur tre ndeshje kthimi për fazën e 1/16-ave të Kupës së Shqipërisë, aty ku skuadrat e Superiores përballen me ekipe nga Kategoria e Parë dhe synojnë që të hedhin një hap për më tej, ku nuk priten surpriza duke parë nivelin e kundërshtarit.
Tre përballjet e luajtura ishin Kukësi-Shkumbini, Luftëtari-Turbina dhe Partizani-Vora.
Verilindorët kishin fituar më herët me rezultatin 1-3, por në ndeshjen e sotme në shtëpi kanë bërë goleadë. Madje tripleta do të vinte nga Çema, ndërsa kishte vend edhe për golin e sulmuesit të U-21 te Kosova, Mirlind Daku.
Një përballje e përfunduar në shifrat 6-0, por në këtë mënyrë nuk ka fituar Partizani. Të kuqtë i janë mjaftuar penalltisë së Telushit për të fituar minimalisht, ndërsa në ndeshjen e parë ia dolën në shifrat 0-3. Sa i përket përballjes mes Luftëtarit dhe Turbinës, falë golave të Rapos dhe Angelmos, ka ardhur fitorja me rezultatin 2-1, ndërsa lojtarët e Marantas kishin fituar edhe në takimin e parë 0-1 falë golit të Filit.
Grupi B
Kukësi-Shkumbini 6-0 Domi, Çema, Daku, Çema, Rasha, Çema
Luftëtari-Turbina 2-1 Rrapo, Angelmo/ Peqini
Grupi A
Partizani-Vora 1-0 Telushi
