Gjykata e Tiranës dhoma penale ka ndryshuar masën e arrestit për dy efektivët e policisë së Rinasit, të cilët u arrestuan për akuzën e dhënies ndihmë për kalim të paligjshëm të kufirit dhe përfshirje në grup të strukturuar kriminal. Alvaro Doda, Edmond Llaçini, janë dy ish punonjësit e policisë të cilat tashmë do të vazhdojnë të hetohen në gjendje arresti shtëpiak për akuzat e mësipërme.
Ata u arrestuan në kuadër të operacionit “One If By Land”. Kanë ndihmua kalimin e paligjshëm në Rinas të 7 grupeve kriminale me rreth 300 persona, kryesisht shqiptarë.
Drejtori i policisë Kriminale, Eduart Merkaj, në atë kohë, pra në shtator 2018 tha se hetimi kishte nisur që në muajin mars, por sot kur jemi një vit pas arrestimit, ata lihen të lirë. Policia ka thënë se këto grupe operonin në Shqipëri, Bullgari, Spanjë, Francë, Mbretëri e Bashkuar, SHBA dhe Kanada. Merkaj ka shpjeguar iternerarin që përdornin grupet e trafikantëve për të kaluar klandestinët shqiptarë, si edhe shumat që paguanin shqiptarët për t’u larguar nga vendi. 2 policët, me detyrë kontrollorë në aeroportin e Rinasit, si edhe një agjent i kompanisë ITC në Rinas.
Deklarata e 29 shtatorit 2018
Arrestohen dy policët e Rinasit, pjesë e një grupi të strukturuar kriminal.
Të arrestuarit janë punonjesit e Policisë Almir Doda, 42 vjeç dhe Edmond Llaçini, 34 vjeç, nga Tirana.
Siç njofton ministria e Brendshme, arrestimi u krye pas një hetimi disamujor me metoda speciale, pasi dy efektivët e policisë dyshoheshin se ishin përfshirë në veprimtari antiligjore, si pjesë e një grupi të strukturuar kriminal, duke ndihmuar persona të ndryshëm për kalimin e kufirit, në kundërshtim me procedurat ligjore.
Për të dy efektivët e policisë, Gjykata e Shkallës së Parë për Krimet e Rënda vendosi masën e sigurisë “Arrest me burg”.
Akuzat e ngritura ndaj tyre janë “Ndihmë për kalim të paligjshëm të kufijve” dhe “Grup i strukturuar kriminal”.
