Edhe pse kanë kaluar dy javë pas goditjes së tërmetit të famshëm në Tiranë dhe në Durrës, duket se qeveria nuk ka ndërmarrë më asnjë veprim për të rikthyer në normalitet gjendjen e krijuar mes qytetarëve të prekur nga goditjet.
Katër pallate dhe dhjetra banesa janë shpallur të pabanueshme, ndërsa 1700 shtëpi kanë pësuar dëme nga lekundjet e tërmetit me magnitudë 5.8 ballë që tronditi Durrësit pasditen e së shtunës së 21 shtatorit.
1700 qytetarë janë paraqitur në gjashtë njësitë administrative të bashkisë Durrës për të denoncuar dëmet e tërmetit, të cilat tashmë po verifikohen në terren nga grupet e verifikimit dhe ekspertët.
