Të shtëna me armë zjarri janë shënuar gjatë natës në qytetin e Shijakut. Nuk raportohet për të lënduar.
Sipas një rindërtimi paraprak të ngjarjes nga policia lokale, një 27-vjeçar ka qëlluar drejt makinë ku ndodhej një çift.
“Specialistët për Krimet në Komisariatin e Policisë Shijak kanë bërë të mundur identifikimin e autorit të ngjarjes së ndodhur mbrëmjen e djeshme në Shijak. Në përfundim të veprimeve të para hetimore është shpallur në kërkim dhe po punohet për kapjen e shtetasit I.B., 27 vjeç, për veprat penale ‘Vrasja në rrethana të tjera cilësuese’ e mbetur në tentativë dhe ‘Armëmbajtja pa leje’”, njoftoi policia.
Ky shtetas dyshohet se pas një konflikti të çastit për motive të dobëta ka qëlluar me armë zjarri në drejtim të automjetit që drejtohej nga shtetasi F.K., 30 vjeç, ku ishte pasagjere shtetasja Xh.K., 30 vjeçe, banuese në Shijak.
Nuk ka asnjë të lënduar, veç dëme materiale të automjetit.
Materialet i kaluan Prokurorisë së Rrethit Gjyqësor Durrës për veprime të mëtejshme, thuhet në njoftimin paraprak të policisë.
