Kili u godit nga një tërmet i fortë i magnitudës 6.8, një nivel i mjaftueshëm ky i forcës së goditjes aq sa për të shkaktuar panik mes popullatës.
Por një video e regjistruar në një metro atje, tregon sesi njerëzit ruajnë në mënyrë të habitshme qetësinë, e madje nuk lëvizin fare nga vendi.
Tërmeti u ndje në tre rajone të vendit, duke nisur nga kryeqyteti Santiago. Epiqendra e tij ishte 71 kilometra larg Constitucionit, në oqeanin Paqësor..
Kili shtrihet në të ashtëquajturën “Unaza e Zjarrit” në Paqësor dhe ka një histori të gjatë tërmetesh vdekjeprurëse, përfshirë atë të vitit 2010 që mbërriti magnitudën 8,8 dhe shkatërroi disa zona bregdetare.
