Sot, del në qarkullim seria e re e kartëmonedhave 200 dhe 5000 Lekë. Ndërkohë që edhe kartmonedhat e vjetra do të vijojnë të mbeten në qarkullim për tu tërhequr nga Banka e Shqipërisë gradualisht kur të jenë të dëmtuara dhe të papërdorshme.
Kartëmonedhat e reja kanë një prerje të ndryshme, ndërsa që figurat historike të vendosura në to janë të njejtat me të vjetrat.
Ndërkohë, kartëmonedhat e reja 10000 Lekë dhe 1000 Lekë do të hidhen në qarkullim duke filluar nga viti 2020, ka njoftuar Banka e Shqipërisë.
Kartëmonedha 2000 Lekë do të hidhet në qarkullim duke filluar nga viti 2021.
Ndërsa, kartëmonedha 500 Lekë do të hidhet në qarkullim duke filluar nga viti 2022.
