Një person është plagosur me armë zjarri në Lezhë në rrethana ende të paqarta. Gjendja e tij është e rëndë dhe për këtë arsye po transportohet drejt Tiranës, për mjekim të specializuar.
“Rreth orës 11:05, në rrethana ende të paqarta është plagosur me armë zjarri shtetasi S.N. 27 vjeç, banues në Ishull Lezhë i cili është transportuar për në Spitalin e Traumës në Tiranë për ndihmë mjekësore”, njoftoi policia.
“Janë ngritur pika kontrolli si dhe po bëhet krehja e zonës me qëllim kapjen e autorit/ve. Grupi hetimor në vendngjarje vazhdon hetimet për zbardhjen e plotë të rrethanave të ngjarjes”, thuhet më tej në njoftimin paraprak të policisë lidhur me ngjarjen në fjalë.
Detaje nga atentati në Lezhë/ U qëllua nga një makinë në lëvizje, kush është i plagosuri
