I ftuar në Syri TV për të komentuar situatën me krimin në vend dhe operacionin e fundit anti-drogë në Durrës, ish drejtuesi i lartë i policisë, Ismail Elezi ka bërë një rezyme me gjendjen në vend.
I pyetur se, cilat janë zonat më të nxehta kriminale në vend, ish drejtuesi i policisë dha emrat e qyteteve kryesore në vend.
“Unë mendoj që grupe kriminale ka, ka patur dhe do ketë. Por problemi shtrohet sa goditen këto grupe. Vatra të nxehta janë Tirana, Elbasani, Durrësi, Shkodra, Fieri, Vlora që duhen ndërhyrje urgjente. Momentin kur drejtuesi i policisë nuk ulet të bëjë pazar me një person me precedentë kriminalë, është i vdekur, ka marrë fund. Nëse vazhdon ta kesh për krenari kur i hap telefonin kriminelit, zero shanse për të goditur krimin”, u shpreh ish drejtuesi i policisë Ismail Elezi.
Sipas tij, “po të ketë bashkëpunim dhe kthimi i besimit te policia në mënyrë që krimi të goditet”.