Saimir Nikolla, 27 vjeç, është personi i plagosur me armë zjarri në Lezhë, paraditen e sotme. Gjendja e tij është e rëndë dhe për këtë arsye po transportohet drejt Tiranës, për mjekim të specializuar.
Ngjarja ka ndodhur para tregut të qytetit. Nga të dhënat e para që ka mbledhur grupi hetimor, siç bëjnë me dije për “Boldnews” burime policore, ndaj të riut është qëlluar nga një makinë në lëvizje.
“Janë ngritur pika kontrolli si dhe po bëhet krehja e zonës me qëllim kapjen e autorit/ve. Grupi hetimor në vendngjarje vazhdon hetimet për zbardhjen e plotë të rrethanave të ngjarjes”, thuhet më tej në njoftimin paraprak të policisë lidhur me ngjarjen.
