Ka ndërruar jetë ditën e sotme në një spital të Stambollit, 27-vjeçari nga Prishtina, Egzon Kryeziu.
Lajmin e hidhur e ka dhënë babai i tij, Ramë Kryeziu, i cili përmes një postimi prekës njofton se djali i tij është ndarë nga jeta, 9 muaj pasi luftoi me plagët e marra nga aksidenti i rëndë.Egzoni u aksidentua rëndë në muajin dhjetor të vitit të kaluar, ku mori lëndime të shumta fizike.
Ai kishte kryer mbi 6 operacioni, që i kushtuan rreth 230 mijë euro. Së fundmi familjes së tij i nevojiteshin edhe 30 mijë euro për shërimin e plotë, pasi ndodhej në fazën finale të rehabilitimit.Babai i tij, bëri një apel rrëqethës në rrjetet sociale pak ditë më parë, ku u shpreh se ishte gati të shiste shtëpinë dhe veshkën, vetëm që djali i tij të shërohej.
Rasti i Egzonit preku zemrat e mbarë shqiptarëve, të cilët arritën të siguronin këtë shumë brenda pak ditësh, por i riu nuk mundi dot t’ja dilte mbanë.
‘’Ju njoftoj me pikëlim te thellë se djali jonë Egzon Kryeziu sot në Stamboll ndërojë jetë pas 9 muaj luftimit me plagët të mara nga aksidenti i rëndë. I falenderojmë te gjithë të cilët kanë ndihmuar per tu sheruar. Per diten e varrimit ju njoftojmë me kohë. Familja Kryeziu”, ka shkruan Ramë Kryeziu.
