Në një intervistë për Syri TV, ish-ministrja e Integrimit Klajda Gjosha ka komentuar vendimin e Bundestagut gjerman për Shqipërinë.
Sipas ish deputetes së LSI, 9 kushtet gjermane rëndojnë mbi qeverinë.
Sa mund të shkëputemi nga Maqedonia?
“Shqipëria tashmë është shkëputur. BE i bën gjërat pa lënduar shumë palët, pa u thënë qytetarëve se jeni hapa pas. E bën këtë pasi ka mbështetur pa kushte të gjitha qeveritë dhe kjo është mënyra më e zbutur për të komunikuar me qytetarët. Ata do çelin negociatat në janar, ndërsa ne duhet të plotësojmë kushtet. Janë kushte të vështira dhe do të thotë të ndryshosh mentalitet. Gjermania ka njohur gjithmonë Shqipërinë dhe rajonin. Berlini ka qenë pararojë e të gjithë politikës së brendshme që kemi patur. Nuk ka nevojë të lobosh për këto çëlshtje dhe e dinë se sa shumë i rëndon këtij vendin konflikti i brendshëm dhe mosfunksionimi i drejtësisë. Pavarësisht problemeve të brendshme, Shqipëria duhej të hapte negociatat pa kushte, për këtë më vjen shumë keq”, deklaroi Klajda Gjosha.