Një person është arrestuar në pikën kufitare të Kakavijës pasi po tentonte të largohej drejt Greqisë. Në prangat e Policisë ka rënë i shpalluri në kërkim Astrit Ruçi, banues në Memaliaj i cili u ndalua menjëherë sapo iu afrua kufirit.
Ruçi ishte shpallur në kërkim pasi akuzohej për “prodhim dhe shitje narkotikësh” dhe “kultivim të bimëve narkotike”.
Nuk dihet nëse Ruçi ka qënë një ndër personat e shpallur në kërkim nga operacioni “Limit”, i cili u zhvillua disa javë më parë, ku u arrestuan 57 persona dhe 8 të tjerë u shpallën në kërkim.
