Personi në foto është oficeri i sigurisë në Portin e Durrësit, Ardian Bega, i cili u arrestua nga policia lidhur me sasinë prej 137 kg kokainë, të sekuestruar në një aksion mes autoriteteve shqiptare dhe atyre greke.
Në foto, shihet Bega, në momentin që nxjerr pakot nga kontenieri në Portin e Durrësit, të futura në një çantë, që e mban në krah. Bega mendonte se në pako kishte kokainë, por në fakt, në to rezultoi të kishte oriz.
Kjo për faktin se trafiku i lëndës narkotike ishte pikasur që në Greqi, nga policia fqinje dhe DEA amerikane, të cilët më pas kishin bërë zëvendësimin e kokainës me oriz në Portin e Pireut dhe kishin mbajtur nën vëzhgim lëvizjet e kontenierit, deri në Durrës, për të zbuluar rrjetin e trafikut të kokainë greko-shqiptar.
Bashkë me Begën, policia ka arrestuar edhe Altin Mislihakën, ndërsa ka shpallur në kërkim djalin e avokatit shqiptar, Gentian Malindi, pasi të tre këta shtetas kanë rezultuar të jenë pritësit e kokainës.
Lexo edhe:
137 kg kokainë në Durrës/ Flet babai i biznesmenit në kërkim: Ja kur do dorëzohet djali
137 kg kokainë/ Punonjësi tregon urdhrin e biznesmenit: Çfarë na ndodhi te Shkëmbi i Kavajës…
Kush është biznesmeni i shpallur në kërkim për 137 kg kokainë (FOTO-EMRI)
Kokaina nga Ekuadori në Durrës/ 137 kg drogë e sekuestruar. Zbardhen detajet e aksionit
