Tërmeti i të shtunës i ka trembur me siguri të gjithë… përveç këtij klienti. Nga pamjet e shumta që kanë qarkulluar gjatë këtyre ditëve në rrjetet sociale, veçohet si më viralja kjo video, e cila tregon një klient i cili nuk çohet nga tavolina pa përfunduar picën.
Edhe pse bie tërmet dhe qytetarët rreth tij janë në panik, ai shfaqet i qetë në ambientet e picerisë ‘Bella Napoli’ në Tiranë teksa konsumon picën e tij. Video është shpërndarë nga personazhe të njohur të ekranit, përfshirë edhe moderatoren Fatma Methasani.
Methasani ka shpërndarë në Instagram pamjet, duke ia atribuar reagimin e djalit shijes së picës. “Kur pica është aq e mirë saqë i riu nuk pyet as për tërmetin”, shkruan moderatorja.
