Një 49-vjeçar është vetëplagosur me armë zjarri në banesën e tij, në Tiranë, pasditen e sotme, bëri me dije policia. Më pas, është dërguar në spital, por nuk ka mundur të mbijetojë.
Sipas policisë, A.B. ka qëlluar veten me armë zjarri në kushtet e depresionit.
“Rreth orës 14:50, në rrugën ‘Skënder Jareci’, dyshohet se si pasojë e depresionit është vetëplagosur në banesë me armë gjahu shtetasi A. B., 49 vjeç, i cili u dërgua në spital për ndihmë mjekësore. Si pasojë e plagëve të marra, shtetasi A. B ka ndërruar jetë në spital. Grupi hetimor po vijon punën për sqarimin e mëtejshëm të rrethanave të ngjarjes”, thuhet në njoftimin paraprak të policisë për ngjarjen.
