Policia e Vlorës ka dhënë detajet në lidhje me ngjarjen e mbrëmjes së djeshme në Karaburun ku është zhdukur një peshkatar dhe dyshohet se është mbytur.
Bëhet fjalë për Mehmet Aliraj 60-vjeç.
Policia kufitare dhe polumbarët kanë rinisur kërkimet në det mëngjesin e sotëm pas ndërprerjes për shkak të motit të paqëndrueshëm mbrëmjen e djeshme.
Njoftimi:
Mbrëmjen e kaluar në zonën e Karaburunit pranë vendit të quajtur “Raguna 1” ka hyrë në det për të gjuajtur peshk me pushkë sportive shtetasi M.A., 60 vjeç dhe nuk ka dalë më nga uji.
Nga kërkimet paraprake personi në fjalë nuk është gjetur dhe kërkimet janë ndërprerë për shkak të motit të paqëndrueshëm.
Sot kanë filluar përsëri kërkimet nga Stacioni i Policisë së Orikumit, Policia Kufitare dhe Polumbaret të cilët po punojnë për gjetjen e 60 vjeçarit.
