Gjendet trupi i peshkatarit Mehmet Aliraj, i cili kishte hyrë në det pranë Karaburunit për të peshkuar me një pushkë sportive.
Policia nisi kërkimet për 60-vjeçarin, ndërsa ai u gjet i pajetë nga polumbarët, rreth 20 metra larg bregut.
Policia bëri të ditur më herët se mbrëmjen e kaluar në zonën e Karaburunit pranë vendit të quajtur “Raguna 1” ka hyrë në det për të gjuajtur peshk me pushkë sportive shtetasi M.A., 60 vjeç dhe nuk ka dalë më nga uji.
Nga kërkimet paraprake personi në fjalë nuk është gjetur dhe kërkimet janë ndërprerë për shkak të motit të paqëndrueshëm.
Sot kanë filluar përsëri kërkimet nga Stacioni i Policisë së Orikumit, Policia Kufitare dhe Polumbaret të cilët po punojnë për gjetjen e 60 vjeçarit.
