Zëdhënësja e Partisë Demokratike, Ina Zhupa ka folur për tërmetin e 21 shtatorit, dhe për përmbytjet e dy ditë më parë.
Zhupa tha se deri tani nuk ka një plan për të emergjencave civile. Gjithashtu Zhupa ka ironizuar kryeministrin Rama dhe kryetarinë e Bashkisë Veliaj, se nuk po bëjnë asgjë për të ndihmuar njerëzit, por thjesht shkojnë bëjnë foto apo japin supë falas, sikur qytetarët janë keq për të dal me këta dy njerëz në foto, apo për supën falas.
“Goditja ishte e fortë, të gjithë patëm dëmtime. Ishim në dorë të vullnetit të natyrës, pasi qeveria ishte e papërgatitur.
Presidenti kishte kërkuar informacion nga institucionet shtetërore. Ende sot nuk kemi një plan të emergjencave civile. Njerëzit duan diçka konkrete, nuk duan foto me kryeministrin apo për një pjatë supë nga kryetari i Bashkisë.
Sigurisht që tërmeti është diçka që nuk ndodh përditë, por përmbytjet janë të përheshme. Sa herë bie shi, në Tiranë bllokohen rrugët. Në 20 minuta shi këtu, përmbyten shtëpitë.
Zhupa më tej shton se duhet të ishin ndërmarrë dy hapa kryesor pas tërmetit. Gjithashtu, zëdhënësja e PD-së tallet me kryetarin Veliaj, duke thënë se ai shkon tek banorët me trajse në dorë, për shoë dhe i duket si fondacion bamirësie dhe se nuk bën asgjë për ti ndihmuar.
“Hapi i parë që duhej të ishte shpallur gjendja e emergjencës. Dhe dy, nuk duhej që ato qëndrat të hapeshin për disa orë dhe të mbyllesh në mes natë.
Është e turpshme që një kryetar bashkie të dal me një trajse në dorë dhe shkon bën show sikur të jetë fondacion bamirësie. Ky është institucioni, që duhet të jap zgjidhje.”Zhupa ka folur edhe për deklaratën e zëvendës ministrit të Infrastrukturës, Artan Shkreli, i cili tha se “nuk ka ujë se njerëzit lahen çdo ditë, ne s’jemi Zvicra”.
“Jemi në 2019, sigurisht që njerëzit do të lahen çdo ditë. Qytetarët paguajnë por ujë prap nuk ka. Veliaj dhe bashkia po shpërdorojnë ujin.”
