Drejtori aktual i Qendrës Kulturore “Aleksandër Moisiu” në qytetin e Durrësit, Elio Bajramaj është shkarkuar nga detyra.
Ky pritet të drejtohet nga Laert Vasili. Vendimi pritet të merret nga Këshilli Bashkiak këtë të premte.
Kryetarja e bashkisë, Valbona Sako ka shkarkuar drejtorin aktual të Qendrës Kulturore, Elio Bajramaj i cili u emërua në këtë post pas daljes në pension të shkrimtarit Bashkim Hoxha.
Bashkia pritet ta paraqesë këtë emërim në mbledhjen e radhës të Këshillit Bashkiak Durrës, që do të mbahet të premten, më 27 shtator, duke kërkuar nga këshilltarët miratimin e shkarkimit të Bajramajt nga drejtor i Qendrës Kulturore “Aleksandër Moisiu” dhe emërimin në këtë detyrë të Laert Vasilit.
Njëkohësisht, pritet që të premten Këhilli Bashkiak të miratojë dhe ndryshimin e emërtimit nga Qendër Kulturore në teatri ”Aleksandër Moisiu”.
Laert Vasili është një nga personazhet e njohura për mbrojtjen e kryeministrit Edi Rama dhe politikave të tij në emisionet mediatike.
