Prej muajit korrik një rrugë afër qendrës së Tiranës ndodhet në gjendje të mjerueshme.
Një qytetar ka denoncuar me foto në BoldNews.al pamjet që na servir rruga Mihal Duri që lidh rrugën e Durrësit me rrugën e Kavajës.
Nuk e ka shkaktuar tërmeti por kompania e kontraktuar nga bashkia për ndërhyrjet në ujësjellës. Ajo duhet ta kishte rregulluar prej atij momenti por kjo rrugë ndodhet në këtë gjendje prej korrikut duke bërë që shumë mjetet të bien në atë kanal.
Kjo ka shkaktuar jo vetëm vonesa në qarkullim por edhe dëme të shumta të mjeteve që kanë një kosto të madhe financiare për të gjithë përdoruesit e rrugës.
Ndërkohë që kreu i Bashkisë Tiranë, Veliaj, shfaqet ditë pas dite në media duke mbjellë pemë e duke prezantuar projekte, mijëra drejtues mjetesh vijojnë të dëmtojnë makinat duke kaluar në këtë aks.
