Si pasojë e shirave të rrëmbyeshëm gjatë 24 orëve të fundit, disa shkolla në kryeqytet janë aktualisht jashtë funksioni. Por, çudia më e madhe qëndron në faktin se një ndër shkollat më të mëdha në Tiranë, ‘Sabaudin Gabrani’ edhe pse rikonstruktohet çdo vit nga bashkia, përballet gjithmonë me probleme infrastrukturore duke penalizuar kështu zhvillimin normal të procesit mësimor.
Në njoftimin e saj në Facebook,minsitrja Besa Shahini thekson se kjo shkollë është aktualisht e paaksesuseshme për shkak të grumbullimit të ujrave në oboorin e saj, duke shtuar se po punohet për normalizimin e situatës. Një deklaratë propagandiste që fsheh gjendjen në të cilën ndodhet realisht shkolla, duke ngritur dyshimet për vjedhjen e fondeve. Prindërit dhe nxënësit pohojnë se kjo shkollë rikonstruktohet thuajse cdo vit, por sapo vjen vjeshta problemet dalin menjëherë në pah.
