Banoret e Torovicës apelojnë për ndihmë.
Ata kërkojnë ndërhyrjen e institucioneve shtetërore për të parandaluar tragjedi që mund të ndodhin në aksin Balldre-Torovicë për shkak të shkëputjes së masiveve të gurëve apo shkëmbinjve.
Ish deputetja e PD, Lindita Metaliaj, shkruan në rrjet mbi shqetësimin e banorëve.
“Në malin përgjatë aksit rrugor Balldre-Torovicë, në Lezhë janë me dhjetra gurë të përmasave të mëdha që mund të bien nga momenti në moment e që rrezikojnë kalimtarët si dhe zonën e banuar në fshatin Torovicë.
Alarmi për këtë situatë jepet tashme prej dy vitesh, por autoritetet përgjegjëse nuk kanë marrë asnje masë për të frenuar fenomenin, për të parandaluar tragjedi të tjera si dhe për të garantuar jetën e banoreve të kësaj zone të lënë në harresë në meshire të fatit.
Shteti inekzistent për zonen dhe banorët e Torovicës!”, shkruan ajo.
