Sizmiologu Ervin Kasaj ka postuar një foto në rrjet përmes të cilës tregohet se gadishulli i Ballkanit dhe Shqipëria kanë një aktivitet të lartë sizmik.
Në Shqipëri prej orës 16:04 dhe deri mëngjesin e sotëm janë regjistruar rreth 300 lëkundje, por pak prej tyre kanë qenë me intensitet të lartë.
Më konkretisht tërmetet me magnitudën më të lartë të Shkallës Rihter ishte ai i orës 16:04 të së shtunës, 5.8, dhe goditja pas tij e regjistruar në orën 16:15 me magnitudë 5.5 ballë.
Ndërkohë në orët në vijim u regjistruan edhe 3 tërmete të tjera me magnituda të mëdha, përkatësisht 5.1, 4.9 dhe 4.4. Ndërkohë dhjetra lëkundje ishin me magnituta nën 4.
Epiqendra e tyre ka qenë shumë afër qytetit të Durrësit.
Lëkundje shumë të forta janë ndjerë veçanërisht në kryeqytet, por edhe në të gjithë territorin e Shqipërisë.
Çfarë duhet të bëni gjatë një tërmeti?
Sipas ekspertëve do të jeni të sigurt nga tërmetet nëse merrni këto 3 hapa themelorë:
-Uluni në tokë,
-Fshihuni nën një tavolinë, dhe qëndroni aty deri sa të ndalojnë dridhjet.
Nëse nuk ka një tavolinë pranë jush, shtrihuni në një cep të ndërtesës dhe mbuloni kokën e qafën me krahët tuaj.
Mos u mundoni të shkoni në një dhomë tjetër vetëm për t’u futur nën tryezë.
Nëse jeni në shtrat, mos lëvizni por qëndroni aty, duke mbrojtur kokën me një jastëk. Ka më pak mundësi të lëndoheni duke qëndruar aty ku jeni.
Nëse je duke drejtuar makinën, gjej një vend për të parkuar.
Shmangni mbikalimet, urat, linjat dhe rreziqet e tjera. Qëndroni brenda automjetit derisa dridhjet e tërmetit të kenë mbaruar.
