Kryeministri Edi Rama mblodhi në mesnatë kabinetin qeveritar lidhur me situatën e jashtëzakonshme të krijuar si rezultat i tërmeteve që goditën vendin.
Por lëkundjet kanë vijuar, ndërsa Kryeministri u shpreh se godina qeveritare, falë rikonstruksionit, nuk u ça në dysh.
E ndërsa ministri i Brendshëm Sandër Lleshaj po raportonte ndodhi edhe lëkundja më e fortë me magnitudë 4.9 të Shkallës Rihter dhe intensitet 6 ballë.
“Po përpiqem mos më lëkundet zëri mua, se godina po lëkundet”, tha Lleshaj, ndërsa lëkundja shkaktoi panik edhe te ministrat.
