Një grua humbi jetën dhe nipi i saj mbeti i plagosur si pasojë e një atentati me armë zjarri ndaj tyre, ngjarje që ndodhi në Fushë-Krujë, rreth orës 23:30 të së shtunës.
Sipas informacioneve paraprake, mësohet se viktima dhe i plagosuri janë nga zona Niklës.
Viktima është Shpresa Basha 50 vjeç , ndërsa i plagosuri Mariglen (Marklen) Haka 28 vjeç.
50-vjeçarja ka ndërruar jetë në sallën e operacionit pak pas mesnatës.
Burimet hetimore thonë se atentati ka ndodhur në shtëpinë e 28-vjeçarit Haka, aty ku gjendej dhe halla e tij. Autorët kanë hapur zjarr në drejtim të të riut, por plumbat kanë prekur edhe 50-vjeçaren.
Sipas dëshmive paraprake mendohet që të kenë qene katër persona të dyshuar që kanë marrë pjesë në atentatin ndaj Hakës. Policia ka nisur hetimet për ngjarjen e rëndë.
Kush është Mariglen Haka
I njohur ndryshe dhe si Marklen Haka i lindur me 04.04.1991 është një personazh i njohur për policinë. 28 vjeçari u arrestua në Shtator vitin 2018 së bashku me disa persona të tjerë gjatë një aksioni të RENEA-s në Nikël të Fushë-Krujës.
Ata u vunë në pranga për posedim pa leje të armëve dhe municioneve luftarake dhe shitjes së lëndëve narkotike.
Bashkë me të u arrestua edhe Valter Bami, vëllai i Durim Bamit, pikërisht personi që transportoi dje në Spitalin e Traumës hallën dhe nipin që ranë pre e atentatit të armatosur.
