Ish-ministri i Brendshëm, Saimir Tahiri u shpreh se “unë nuk jam një kurban”.
Duke iu përgjigjur interesimit të gazetarëve në një deklaratë që mbajti këtë të shtunë, pas vendimit të gjykatës së Krimeve të Rënda ndaj tij, që caktoi 3 vite shërbim prove, Tahiri tha:
“Ti shkoj kësaj rruge deri në fund më dhëmb më shumë drejtësia se sa partia. Më keni trembur kur më thoni ‘do bëhesh apo jo kurban’ por më fyeni kur e bëni si pyetje. Kurban nuk do të thoshte mos shkosh në burg, por të mos jesh i lirë. Dhe ju garantoj se ka njerëz që janë kurban edhe pse se kanë parë një ditë derën e burgut, që s’janë të lirë të flasin dhe të veprojnë. Kam njohur burra që kanë qenë të lirë edhe në burg, sepse ka të bëjë sa të lirë ke mendjen dhe jo duart. Ka një katalog të tërë njerëzish, ata janë kurban, unë jo. Unë nuk jam kurban. Dhe ju lutem shuajeni kuriozitetin tuaj në lidhje me të ardhmen time ne politikë. Nuk kam asnjë kuriozitet me çdo bëhet nesër. Mua më intereson drejtësia sa ç’më intereson se drejtësinë po e përballoj i vetëm, përballë të gjithëve dhe më intereson drejtësia ime dhe t’ju bind dhe juve”.
