Këshilli Bashkiak Lezhë zhvilloi mbledhjen e parë pas konstituimit te tij, duke miratuar disa pika të përcaktuara në rendin e ditës.
Këshilli, i kryesuar nga Ernest Rakaj ka marrë një vendim të rëndësishëm, i cili ka lidhje të drejtpërdrejtë me arkën e parave të Bashkisë.
Vetem me një votë kundër, Këshilli vendosi që të miratojë shkurtimin me 30% të strukturës aktuale, pra nga 609 punonjës aktuale do të mbeten vetëm 430, si dhe janë anuluar 130 kontrata të tjera punësimi apo shërbimi.
I pranishëm ishte edhe vetë kryebashkiku i Lezhës Pjerin Ndreu, i cili të gjithë vëmendjen ia kushtoj organikës së tejfryrë të Bashkisë Lezhë, dhe se ky ishte një prej premtimeve elektorale.
“Përveçse një premtim i mbajtur, kjo lëvizje dikton edhe nje tjeter filozofi drejtimi, qe do te thotë, se Bashkia Lezhë ka vendosur të heqë dorë nga sasia për të kaluar tek cilësia”, tha Ndreu, raporton Faxnews.
