Një ditë pas dorëheqjes së Sonila Qatos nga posti i drejtoreshës së Autoritetit Rrugor Shqiptar, duket se emri që do e zëvendësojë do të përcaktohet shpejt.
Sipas burimeve të Faxweb një prej kandidaturave kryesore për të zëvë vendin e Qatos është dhe ish-drejtoresha e Tatimeve Vasilika Vjero.
Përveç drejtimit të Tatimeve, Vjero ka qenë më herët edhe drejtuese e Qendrës Kombëtare të Biznesit. Megjithatë vendimi pritet që të zyrtarizohet nga qeveria në ditët në vijim.
Kujtojmë që dorëheqja e Sonila Qatos erdhi pas akuzave të disa ditëve më parë nga kompania ‘Gjoka Konstruksion’, se ish drejtoresha e ARRSh-së ka prishur imazhin e kompanisë dhe ka shkelur ligjin në tenderimin e rrugës Kardhiq-Delvinë.
