Blerina Bombaj ka treguar detaje nga një aksidenti i rëndë që ndodhi dje në fshatin Domje të Tiranës, ku sipas policisë humbi jetën një çiklist 16-vjeçar. Sipas dietologes në njoftimin e policisë thuhej se viktima ishte 16-vjeç, por ajo tregon se e njeh familjen e të miturit dhe se viktima ishte vetëm 13-vjeç.
Bombaj shkruan më tej se familja e dinte djalin në shkollë, dhe e ka mësuar ngjarjen tragjike disa orë pasi ajo kishte ndodhur. Ajo u bën apel të gjithë që mos u japin fëmijëve biçikleta.
“Djali ka nderruar jete ne moment, dje rreth ores 10.30. Eshte derguar ne spital nga kalimtare, pasi makina eshte larguar, dhe prinderit e kane marre vesh ne mbasdite vone, duke menduar se femija ishte ne shkolle. Jam thellesisht e trishtuar, nuk gjej fjale ngushellimi! Por dua tju bej thirrje prinderve, mos ju jepni bicikleta femijeve ne kete vend te papergjegjshmish!”, shkruan dietologia.
